47 خبر

تاريخ النشر: 18.08.2024 | 13:24 GMT

مصر.. مرتضى منصور يكشف تفاصيل زيارته أحمد فتوح في حبسه

كشف المستشار مرتضى منصور رئيس نادي الزمالك السابق عن كواليس زيارته أحمد فتوح لاعب نادي الزمالك في حبسه بعد تسببه بمقتل شخص.

وقال مرتضي منصور في فيديو مصور على صفحته الشخصية لقناة "يوتيوب": "بشكر كل الرجال الأمن المتواجدين في القسم على مجهودهم اللي بيبذلوه، وأنا أطمئنت على أحمد فتوح وهو الحمد لله بخير، وقلت له أن إيمانك بربنا هو لأزم يكون نمرة واحد، هنفترض أنت اللي روحت فيها، فده نعتبره أن ربنا فداك".

وأضاف: "أنا مندهش بصراحة لما قالي إن مفيش حد من مجلس إدارة الزمالك الحالي زاره لحد دلوقتي، لا حسين لبيب ولا هاني شكري ولا سليمان ولا أدهم".

وواصل: "أنا متصور الناس كلها هتروح تشوف فتوح لأني دايما أنا بحب أسبق في الخير، وإن شاء الله متابع التطورات القضية مع فتوح وإن شاء الله خير في اللي جاي".

إقرأ المزيد

بسهم الزمالك.. ميدو يعلق على احتفال محمد صلاح بطريقة جديدة بأهدافه (فيديو)

واستكمل: "وإن شاء الله أعتقد أننا قربنا من التصالح والتنازل، وبعدين هنروح لسيادة القاضي الجليل اللي اتمني أنه ينظر في الموضوع بعين الرحمة. وأنه يشوف أن فتوح ده شاب صغير من دور ابن من ولاده، وكلنا بنغلط".

وأكد مرتضي منصور: "أنا بس لفت نظري حاجة كمان، كابتن ميدو مش أنت زملكاوي ليه مجيتش تزور فتوح، وفين كابتن خالد الغندور، من الآخر اللي مش بيظهر في الأزمة بيقي ملوش أصل".

وختم: "وأنا قابلت المحامي أشرف عبد العزيز اللي بيحاول يساعد فتوح من أزمته، بس أنا مندهش وهو واقف معايا، وعايز أعرف ليه بيتشم ليه لجان حسين لبيب وممدوح عباس، نزلين فيه شتيمه، لكن المفروض أي حد يقدر يساعد فتوح عشان يطلع من محنته يتفضل".

المصدر: وسائل إعلام